(روهي ـ ۱۳۹۷لمریز،غبرګولې۱۹مه) د افغانستان او بنګله دیش کرکټ لوبډلو ترمنځ په هندوستان کې د ۳ شل اوریزه کرکټ سیالو د لړۍ پای ته رسیدو وروسته بنګله دیشي لوبغاړو ویلي، جې د راشد خان لوبول اسانه کار نه دی.
د بنګله دیش لوبډلې ویکټ کیپر او توپ وهونکی مشفیق الرحیم ویلي، د راشد خان لوبول یو ستونزمن کار دی او د ماتو لامل یې هم تر ډیره د افغان لوبډلې سپین بالینګ و.
ددغې لوبډلې بل لوبغاړي شکیب الحسن بیا ویلي، د افغان لوبډلې لخوا ورته د ماتې ورکولو لامل د افغان ورو توپ اچونکو توپ اچونه وه، په خاص ډول راشد خان، مجیب ځدران او محمد نبي عیسی خیل ورته په سیالیو کې د بریاوو خنډ شول.
په داسې کې چې راشد خان د دغه سیریز په ۳ لوبو کې ۸ ویکټې ترلاسه کړې او دوه ځلې د لوبې د غوره لوبغاړي کیدو ترڅنګ د سیریز غوره لوبغاړی هم وټاکل شو.
