(روهي ـ ۱۳۹۷لمریز،غبرګولې۱۷مه) افغانستان او بنګلهدېش کرکټ لوبډلو ترمنځ نن درېيمه ٢٠ اووریزه لوبه کېږي.
افغانستان په هندوستان کې د بنګلهدېش په وړاندې د روانو مسابقو دغه لړۍ، د تېرو دوو پرلهپسې برياوو له کبله ګټلې هم ده.
د کرکټ بورډ مطبوعاتي مسوول فريد هوتک ویلي، چې له بنګله دیش سره درېیمې لوبې لپاره لوبغاړو چمتو والی نیولی دی.
د افغانستان او بنګلهدېش د کرکټ لوبډلو د هندوستان د دهرادون ښار په ورزشي ميدان کې دغه لوبې د افغانستان په کوربه توب ترسره کوي.
بل خوا ټاکلې شوې، چې د افغانستان او هندوستان ملي ټيمونه د لومړي ځل لپاره راتلونکې پنجشنبه په خپلو کې ټيسټ لوبه وکړي.
