(روهي ـ ۱۳۹۷لمریز،غبرګولې۱۵مه) د افغانستان کرکټ ملي لوبډلې وتلي لوبغاړی راشد خان د هند په وړاندې په ټیست لوبه کې د خپل توپ اچونې ډول نه بدلوي.
هغه د هند له پي ټي آی ورځپاڼې سره په خبرو کې ویلي، د ټیسټ او یو ورځینو او شل اوریزو لوبو ترمنځ دومره زیات توپیر وجود نه لري.
ښاغلي راشد خان ویلي، چې له دې وړاندې په څلور ورځینو لوبو کې ښه ځلیدلی دی.
راشد خان چې د نړی د شل اوریزو غوره سپین بالر ګڼلی شوی. هغه د هند په وړاندې په ټیسټ لوبه کې به خپل سرعت او تګلاره د پخوا په شان ساتي.
نوموړي ویلي، ښايي په شلو اوورنو کې یوه ویکټ هم ترلاسه نه کړي او په وینا یې ګوندې په دوو اورو کې دوه ویکټې ترلاسه کړي.
ټاکل شوې ده چې د افغانستان او هند ترمنځ دغه تاریخي لوبه د جون میاشتې له ۱۴ مه نیټه د هند په بنګلارو ښار کې پیل شي.
