روهي (جمعه/۲۸ د غوايي)، د آی پي ال د پنجشنبې د ورځې (مۍ۱۷) په سیالیو کې د سنرایز حیدراباد لوبډلې له رایل چلنجرز بنګلور سره لوبه وکړه. حیدراباد پچه وګټله خو بنګلور ته یې د منډو ورکولو بلنه ورکړه.
په دغو لوبو کې د افغانستان د کرکټ د ملي لوبډلې لوبغاړي راشد خان د آی پي ال په روانو سیالیو کې د رایل چلنجر بنګلور خلاف لوبې کې درې لوبغاړي وسوځول.
راشد په دریو اورونو کې ۲۷ منډې ورکړې خو درې مهم لوبغاړي یې هم وسوځول. هغه د هند د ملي لوبډلې او د رایل چلنجرز بنګلور کپټان ویرات کوهلي په خپل لومړي اور کې بولډ اوټ کړ. راشد یو مهال ویلي وو چې د کوهلي سوځول یې غټ ارمان دی چې نن پوره شو.
همدارنګه په دغو لوبو ګې راشد خان د لوبې پر مهال یو مهم او ډېر ښکلی کیچ هم ونیوه چې ډېر وستایل شو. آی پي ال په خپل رسمي ټویټر کې د راشد خان دا کیچ خپور کړی دی.
