(روهي ـ ۱۳۹۷لمریز،غويي۲۰مه) د هند سیمنا وتلې لوبغاړې د هند په غوره لیګ سیالیو کې د پنجاب لوبدلې مالکه پرېټي زینټا د وتلي افغان لوبغاړی مجیب الرحمن د غوره کړنو ستاینه کړې ده.
هغې په خپل ټویټر پاڼه له مجیب سره خپل ګډ انځور خپور کړی دی.
پرېټي لیکلي:
" زمونږ خپل کوچنی زمری چې تر هر بل زمري هم لوړغوریږي. مجیب د هند د ۲۰۱۸ غوره لیګ سیالیو کې ښه روان دی."
مجیب الرحمن د تیرې یکشبنې په شپه د راجستان رویالز په وړاندې په لوبه کې له څلورو اوورنو څخه او د ۲۷ منډو مقابل کې درې ویکټې ترلاسه کړې.
دغه لوبه د مجیب الرحمن لوبډله یا د پنجاب پاچاهو د شپږو ویکټو په توپیر وګټله.
