غواړم کانديد شم پارلمان لپاره
د شخصي ګټـــو د ارمــــــان لپاره
ورتــــــه بـــــه لافـــې د خــــــدمت ووهم
جيب به می ډک کړم د خپل ځان لپاره
په رشوتـــــونـــــو کې کورونه اخلم
د شهرنــــــو او مکــــــــرويان لپاره
د اتفاق پر ځای نفاق جـــــــوړوم
د دې زخــــمي افغانستان لپاره
زه په تبعيض کې خپل بقا وينمه
د ګډوډۍ او چــــور ميدان لپاره
په ملی ګټو کې ځای کله شته دی
د خود غـــــرض او د شيطان لپاره
زه د مظلومو خلکو اوښکې څه کړم
زما يي څـــــه څـــــيری ګريوان لپاره
دا ابادۍ تــــــــه خو مې ملا ماته ده
وطن به جــــــوړ کړم قبرستان لپاره
هر ا جنبی چې راته ډول غږوي
ورتــــــه نڅيږم د قيـــــران لپاره
په لباسی خندا به خلک غولوم
شم به بلبل نطق او بيان لپاره
او به به خړي کړم ماهيان به نيسم
ځان به کړم ټګ د هر انسان لپاره
که له سواد نه بهره مند نه ومه
سکــــرتر نيسم د پرسان لپاره
په نيکټايي باندې به لاس وچوم
پلـــو چلـــــو او دسترخوان لپاره
حفيظ ملياره بيابه ځای نلرم
افشا مې نکړې د قران لپاره
