(روهي ـ ۱۳۹۷لمریز،وری۱۹مه) د افغانستان کرکټ بورډ د پاکستان په یوې ځايي لوبډله کې د شهراد محمدي پر لوبېدلو غبرګون ښودلی.
په ټولنیزو رسنیو د پاکستان په يوه ځايي کلب لوبډله کې د شهزاد محمدي د لوبېدو په اړه هم سخت غبرګونونه راپارېدلي دي.
د افغان کرکټ بورډ ادراې ویاند فرید هوتک منلې ده، چې شهزاد محمدي د کرکټ بورډ له اجازې پرته پاکستان ته تللی او هلته د يوه ځايي کلب په لوبډله کې لوبه کړې ده.
ویل شوي، چې د کرکټ بورډ د اصولو له مخې، ټول لوبغاړي له هېواده بهر په سیالیو کې د لوبېدو لپاره د بورډ اجازې ته اړ دي.
لا تر اوسه په دې اړه ښاغلي محمدي څه نه دي ویلي.
