د زېمبابوې د کرکټ د لوبډلې روزونکی کوچ هیت ستریک له دندې شړل شوی دی.
اسوشېټېډ پرېس په ویلي، هیت ستریک له دې امله چې د زېمبابوې د کرکټ لوبډله ونه توانېده چې د کرکټ د نړیوال جام سیالو ته لار پیدا کړي، له دندې لېرې شوی دی.
د زېمبابوې لوبډلې، یوه لوبه د افغانستان د کرکټ ملي لوبډلې ته ور وبایلله او په یوه بله مهمه مسابقه کې یې له ویست اندیزه ماته وخوړه.
د کرکټ د نړیوال جام سیالۍ په ۲۰۱۹ میلادي کال کې، په وېلز او انګلستان کې کېږي.
