(روهي ـ ۱۳۹۷لمریز، وری۶مه) ټاکل شوې، چې سبا د افغانستان د کرکټ ملي لوبډله د ۲۰۱۹ نړیوال جام په غوراوي سیالیو کې له بریالي ګډونه وروسته د دغو سیالیو له جام سره هېواد ته راستنه شي.
افغان لوبډله که څه هم د دغو سیالیو په لومړي پړاو کې ښه نه ځلیدلې، خو د شپږو غورو لوبډلو په پړاو کې یې بیا خپل ټول سیالان مات او وتوانېده چې نړیوال جام ته لار پیدا کړي.
د کرکټ ملي لوبډلې تېره ورځ د نړیوال جام غوراوي پړاو سیالیو په پایلوبه کې وېسټ انډيز ته په ماتې ورکولو سره، د دغو سیالیو اتلولي هم په خپل نوم کړه.
نړیوال جام ته د افغان لوبډلې وتل د افغانانو له تاوده هرکلي سره مخ شوه او ټاکل شوې چې هېواد ته د ملي لوبډلې راتګ هم په شاندارو مراسمو ولمانځل شي.
