(روهي ـ ۱۳۹۷لمریز، وري۴مه) د افغانستان کرکټ ملي لوبډلې د آیرلینډ کرکټ لوبډلې ته تیره شپه ماتې ورکړه.
له همدې سره افغان لوبډله، د ۲۰۱۹ کال نړیوال جام سیالیو ته یې لار پیدا کړله.
د نړیوال جام سیالۍ د ۲۰۱۹ کال د مې د میاشتې په دیرشمې نیټې په انګلستان کې پیل کیږي.
د پښتو وېب پاڼې راپور له مخې، تر دې وړاندې د ویسټ انډیز لوبډلې هم نړیوال جام ته لاره موندلې ده.
ویسټ انډیز د غوراوي سیالیو په جدول کې لومړی او افغانستان دویم مقام ګټلی دی.
افغانستان د غوراوي سیالییو پدې تیرو لوبو کې دوه ځلې د ویسټ انډیز سره لوبې کړي او دواړه یې افغانستان ګټلي دي.
