(روهي ـ ۱۳۹لمریز، کب ۲۱مه) د ۲۰۱۹میلادي کال د نړیوال جام د غوراوي سالیو په وروستیو ګروپي لوبو کې نن نیپال هانک کانګ ته ماتې ورکړه.
ویل شوي، چې په دغې ماتې سره افغانستان د غوره شپږو لوبډلو (سوپر۶) پړاو ته لاره پیدا کړه.
نیپال او هانک کانګ د افغانستان په ګروپ کې موجود وو.
د افغانستان کرکټ بورډ په خپل رسمي فیسبوک کې لیکلي دي چې له بي ګروپ نه سکاټلند زمبابوې او افغانستان د سوپر۶ پړاو ته تللي دي.
د افغانستان دویم پړاو ته د وتلو علت دا ښودل شوی، چې نیپال او هانګ کانګ په څلورو لوبو کې هم یوه-یوه لوبه ګټلې خو له دې دوو لوبډلو د افغان نمرې زیاتې وې.
هلته به د شپږو ټیمونو له ډلې دوه نړیوال جام ته وځي.
