(روهي ـ ۱۳۹۶لمریز، کب ۷مه) د افغانستان د کرکټ ملي لوبډله سبا د سې شنبه په ورځ له وېسټ انډیز سره لومړنۍ تمریني لوبه لري.
د افغان او وېسټ انډیز لوبډلې له هغو اتو نورو لوبډلو سره یوځای شوي چې له ډلې به یې تر لوبو وروسته دوه لوبډلې د ۲۰۱۹ میلادي کال نړیوال جام ته غوره کېږي.
ویل شوي، چې افغان لوبډل به تر وېسټ انډیز وروسته دوهمه تمریني لوبه د مارچ په لومړۍ له هالنډ سره وکړي.
د افغان کرکټ لوبډلې لومړۍ لوبه د مارچ په څلورمه له سکاټلنډ سره کېږي.
د افغان کرکټ بورډ ادارې په وینا، افغانستان په ګروپي دور کې له سکاټلنډ، زمبابوې، هانک کانګ او نیپال سره مخ کېږي.
