(روهي ـ ۱۳۹۶لمریز، کب ۲مه) د افغانستان کرېکټ ملي لوبډله د ۲۰۱۹ميلادي کال یو ورځیني جام غوراوي سیالیو لپاره زمبابوې ته رسېدلې ده.
افغان لوبډلې په عربي اماراتو کې زمبابوې لوبډلې ته په دوه شل اوریزو سیالیو کې په دوه صفر، او په پنځه یو ورځنیو سیالیو کې د څلور پر یو ماتې ورکړه.
ویل شوي، چې افغان لوبډله به د ویسټ انډیز په شمول د ۱۴ نورو لوبډلو سره په دغو سیالیو کې چې د زمبابوې په کوربه توب ترسره کیږي، ګډون کوي.
د غوراوي سیالیو لپاره لس لوبډلې لوبي کوي. دا لوبډلې په دوه ګروپونو ویشل شوې دي، چې له دې لسو لوبډلو څخه به یوازې دوه لوبډلې نړیوالو اتلولیو ته لار موندلی شي.
دغه لوبې به د مارچ میاشتې له ۴مې نېټې څخه پېل او تر ۲۵مې نیټې پورې به دوام وکړي.
