په غصه چې مې تصویر شي درنه څیرې
په ژړا شې خپل تقدیر شي درنه څیرې
رنګ دې زیړ شي ته پښمانه شې له هرڅه
چې ګرېوان د عشق اسیر شي درنه څیرې
چې زما له سا نه خپل بدن رانیسې
په سرو شونډو کې به ویر شي درنه څیرې
لیونتوب ته به حیرانه شې وجوده
که په غاړه کې زنځیر شي درنه څیرې
سپیلني درسره وړه چې ځې بلۍ ته
له سپین مخه به نظیر شي درنه څیرې
خوبولې دې چې غیږ کې سترګې اوړي
د منګل د ژوند تعبیر شي درنه څیرې
طالب منګل
سه شنبه د ١٣٨٩ لمريز کال د غبرګولي ٤
