لغمان
زخمي احساس مې د زړه سر يادوې
د شکــــور اباد هـــر مازيګر يادوي
د عليشنګ د سيند څپو کي لامي
د تاجکــــــړيو هــــا سنګپر يادوي
د اخنزادګانو د چينې اوبه څښي
بيا د دندې د سيند کمر يادوي
رايشي د دنګ چنار د سيوري ا رمان
کلـــــه منګې کلـــــــــه ګدر يا دوي
ډکه زولي تازه توتان او ياران
ها توت سنډل د ونې سر يادوي
په نيحالونو او د شولو لاو کي
هغه اشر او نيحالګر يا دوي
مانه د شپي خوب بام په سرکي غواړي
د شپې سپوږمې د سحر المر يادوي
په احترام لاړشي روښان ليسې ته
هلته د خپل د صنف زوړ ور يادوي
د استا دانو همصنفيانو مينه
هر يو ملګر ي او رهبر يادوي
دا قرغيي او علينګار خو پريږده
کله سپين غر کله تور غر يادوي
افغانستانه لحظه نه هيريږې
کله د لر او کله بر يادوي
لغمانه يي د عاشقانو وطن
چې هر شاعر د شپه اوسحر يادوي
حفيظ مليار دا قير سرک څه کوي
دی د کږو پولو چکر يادوي
عبد الحفيظ مليار اتريش
