(روهي ـ ۱۳۹۶لمریز،مرغومي ۲۷مه) د هند په نوي ډیلي کې د هند او افغانستان د کرکټ بورډ د مشرانو په ګډه غونډه کې د دواړو هېوادونو د کرکټ ټیمونو ترمنځ د لومړۍ ټیسټ سیالۍ نیټه او ځای اعلان شو.
د اعلان په اساس افغانستان د کرکټ ملي ټیم به د دې کال د جون په میاشت کې هند ته سفر کوي او د کرناټکا ایالت په بنگلور ښار کې د جون د څوارلسمې نه تر اتلسمې پورې د کرکټ ټیسټ یا پینځه ورځنۍ سیالي کوي.
وویل شوي، چې هند د وخت د کرکټ د ټیسټ سیالیو په لړ کې د نړۍ په ټیمونو کې لومړی مقام لري او د افغانستان د کرکټ د ټیسټ لوبې کولو وړاندیز هم پخپله د هند کرکټ بورډ سرپرست امیتاب چوهدري د دوشنبې په ورځ ( ډسمبر۱۰) په نوي ډیلي کې دا اعلان وکړ.
هغه وویل چې افغانستان له ډېره وخته دا غوښتنه لرله او هند هم ومنله.
دا په داسې حال کې ده چې افغانستان تیر کال د جون په میاشت کې د کرکټ ټیسټ درجه او د کرکټ د نړیوالې شورا بشپړ غړیتوب واخیست او اوس به یو کال پس عملا د کرکټ کرکټ سیالي هم وکړي.
