#روغتیايي_پاملرنه
د کدو دانې (زړي) Pumpkin Seeds
د کدو زړي یو بشپړاواغېزمن خواړہ شمیرل کیږي چې ماسپښین او یا دشپې د بیدہ کیدو په مھال باید ؤژوول شي. نه یوازې په خوله خوندور بلکې د وجود لپارہ ګټوراثرات لري.
د کدو زړیو ته غذايي طاقتور توکي ھم وايي چې د بدن د حجرولپاره ډېرمھم عناصرلري. دالاندې يې ځینې حیرانوونکي بېلګې دي:-
۲) مګنیزیم Magnesium د روغ زړہ لپارہ:
دېرش ګرامه د کدو سپین شوي زړي چې تخمینا د یوې پیالې څلورمه برخه کېږي وجود ته د ورځني ټاکل شوي مګنیزیم اړتیا پوره کوي، ترڅو له مھموحیاتي فیزیولوژیکې کړنو سرہ مرسته وکړي.
ھمدا مګنیزیم د عضوي مادو کارګړندی کوي، د زړہ په حرکت او پم کې توازن راوړي، دغاښو او ھډوکو د جوړښت ملاتړکوي، د ویني د جریان لپاره شریانونه او وریدونه فعال ساتي.
دا ھم ویل کېږي چې د کدو دزړیو پرلپسې خوړل د وینې فشارترکنترول لاندي راوړي، د زړه او مغزسکته بې وخته نه رامنځته کېږي.
۲) زینک Zinc (جست) دفاعي خاصیت لري:
دا ھغه معدني منرال دی چې د کدو په زړیو کې ډېرشتون لري۔
دیرش ګرامه د کدو زړي دوہ میلېګرامه زینک وجود ته بخښي. زینک د حجرو په جوړښت کې د وجود د دفاعي قوې لپاره، خوشاله طبیعت، ښه خوب، سترګو او پوستوکي ته اړین عنصردی. زینک په وینه کې دانسولین چې شکره کموي ھم مرستندوی شي او دا پخپله د نارینه او ښځېنه #شھواني قوه چسته ساتې. ترڅنګ يې د زکام، کھالي، د پوستوکي د دانو او د وسواس مخه نیسي.
۳) د کولیسټرول کنټرولول :
یوډول غوړ چې د Omega 3 Fatty Acid په نوم یاديږي کوم چې نباتي یا د ماھي غوړدي، ھمدا غوړمضرکولیسټرول کموي او مفید (ګټور) کولیسټرول جګوي ترڅو د زړہ او مغز شریانونه تنګ نشي. دکدو زړي لکه د نورومغزبابو (بادام / پیسته / چارمغز/ چلغوزې....) په څیر دا تیزابي غوړ زیات لري۔ دیرش ګرامه د کدو زړي د ورځې خوړل بھترینه زیرمه د ګټور کولیسټرول کیدای شي.
۴) ښه خوب راوړل :
ټریفټوفین یوډول پروتین دی چې اماینو اسید ورته وايي، کوم چې د اسودہ او ارام خوب لپاره ډېرګټوردی. په بدن کې دا پروتین (ټریفټوفین) یوې کیمیاوي مادې سیریټونین ته واړوي چې د مغز پروریش راوړي. د سیریټونین په مرسته میلیټونین ھورمون رامنځ ته شي چې د خوب لپارہ اړین ده. دا ھم د کدو په زړیو کې زیات شتون لري چې د شپي خوړل يې د ښه خوب سبب کیږي.
#ډاکټرنجیب_خټې
