انساني عقل د نوح ( ع ) په مشهور طوفان کې د ترکاڼانو د مټو او د تن د خولو په تويولو او زيار اېستلو سره د ژغورنې لويه کښتۍ ( بېړۍ ) جوړه او د هغې په ذريعې نوح ( ع ) د هغه زامنو ، او د ټولو الوتوونکو او څارويو د نسلونو يوې يوې جوړې د استازو په صفت له مُعلق اجل څخه نجات وموند!
له هغې زمانې څخه تر موجوده دوران پورې انساني پوهې : بحرونه ، وچه او فضا د بېلابېلو تخنيکي وسيلو په واسطې چې د انساني عقل او پوهې مولود او ثمر دي . اېل ، تسخير او د ځان تایع کړل .
د ا ټول کشفيات او اختراعات د محمد ( ع ) د معراج د شپې د سفر په پايله کې منځ ته راغلل . د معراج شپې سفر انسانانو ته دا ور پوګوته کړه چې انسانان د وسايلو په ذريعې خلاصې فضا ( کوسمس او آسمانونو ) ته سفر کولی شي !!
زموږ په معاصرې زمانې کې د لومړي ځل لپاره په ۱۹۶۱ م. کال کې شوروي فضا پلټوونکی يورې
الکسېويچ ګاګارين د آپولو په ذريعه خلاصې فضا ته لاړ او د ځمکې په مدار ګرد را وڅرخېد . ګاګارين پسې د امريکې د متحدو ايالتونو فضا پلټوونکو د ځمکې سپوږمۍ ته سفر وکړ او د سپوږمۍ له مخ څخه يې کاڼي او خاورې راوړلې !
له هغې تاريخي بريا څخه را وروسته شورويان ، امريکايان ، فرانسويان ، انګليسان ، چينايان او د يو شمېر نورو هېوادونو فضا پلټوونکي خلاصې فضا ته لاړل او د نوو څېړنو او تحقيقاتو لپاره يې ملاوې وتړلې !
منځ کې ۵۵ کاله تېر شول . د ځمکې د نجوم ( استره لوژۍ )عالمان له ځمکې ، سپوږمۍ هاخوا تر مريخ ، زحل ، اورانوس ، مُشتري ، نورو ستورو ، سيارو او صحابي کهکشانونو پورې لاسونه وغځول او ډول ډول اختراعات او کشفيات يې وکړل ، انسانان پردې وپوهېدل چې په مريخ کې اوبه او اکسيجن شته دي ؛ هلته د ژوند کولو چانس شته دی ! په همدې ترتيب دادی سږ کال ۲۰۱۶ م.کال کې امريکايي فضا پلټوونکي پر دې بريالي شول چې د « ناسا » په نوم بې انسانه تخنيکي وسيله ( مصنوعي سپوږمکۍ ) جوړه او د لمر د انرژۍ په مرستې يې په څو کلونو کې مشتري ته واستوي .
د « ناسا » دغه تحنيکي ـ مصنوعي سپوږمکۍ به له نژدې واټن څخه د مشتري د سيارې عکسونه واخلي او ځمکې ته به يې مخابره کړي او د دې ډېر امکانات شته دي ، چې که خدای مکړه د ذروي وسلو د استعمال او يا هم د طبيعي بدمرغو پېښو د پېښېدو په صورت کې د ځمکې کره منفجره شي او له منځه ولاړه شي ؛ نو يو شمېر انسانان به د انسانانو په استازولۍ وکولی شي چې په نورو سيارو او کهکشانونو کې د څان لپاره د ژوند کولو او ژغورنې ځای او مناسب شرايط ومومي او هلته به د انسانانو راتلوونکي نسلونه خپل ژوند ته دوام ورکړي !!!
