په انګلستان کې یوه څیړنیزه سروی وايي: درېيمه برخه انګریزانو (۲۹٪) تېر کال دغوښې خوړل کم کړي دي، ۹٪ نور وايي: موږ پریکړه کړې ده، چې دغوښې له خوړو بیخي لاس واخلو، ۳٪ اوس یوازې سبزي/ ترکاري خوري.
کارپوهان وايي: که چیرې انسانان دغوښې له خوړولو لاس واخلي او په ورځني ژوند کې له سبزۍ/ ترکارۍ څخه کار واخلي نو په ژوند کې به یې لاندې بدلون رامنځته شي.
۱- وزن به لاسه ورکړئ
ډیری څیړنې وايي: هغه کسان، چې غوښه نه خوري دوی په منځنۍ کچه 4.5 ګیلو ګرامه وزن له لاسه ورکړی دی، پرته له دی، چې خپله کالري وڅاري یا د سپورت وخت ډیر کړي.
۲- دکولمو بکتریا بدلیږي
متل وايي: ته یې نه خورې، دا خبره له هاضمې له سیستم سره تړلې ده، څیړنه، چې د هغو کسانو،چې غوښه خوري او هغه ،چې یوازې سبزي خوري ترمنځ دکولمو دبکتریا په اړه ترسره شوې ده وايي: دنباتي رژیم څښتن له نورو سره درې اختلافه لري: تر ټولو مهم یې دادی، چې د دوی دکولمو بکتریا دنورو هغو په پرتله ډیر خوندي وي.
۳- انرژي لرونکي مواد مو پوره کوي
که متوازن نباتي رژیم ونیول شي ټولې هغه نیمګړتیاوې پوره کیږي، چې تاسې ورته اړتیا لري، دا به یو څه سخته وي، چې وسپنه ، ویټامین ډی یا ویټامین ۱۲ در په برخه کړي، دغذايي چارو کارپوهان وايي: دا مهال کېدای شي سړی یو څه لوبیا، دال ، وچه میوه، سبزي وخوري.
۴- دسرطان مخنیوی کوي.
اوس څرګنده شوې ده، چې سره غوښه داسې ځانګړنې لري، چې دسرطان لامل وګرځي، په ځانګړې توګه شرکتي غوښه ، چې دڅو اونیو لپاره په یخچالي موټرونو کې له یوه ځایه بل ځای ته لیږدول کیږي، ډاکتران وايي:۱۸٪ ددی امکان شته، چې سره غوښه د کولمو دسرطان لامل وګرځي.
