د لوي او بخښوونكي خداي په نامه
پښتون پوسټ ورځپاڼه
سرليكنه (اداريه )
د پېښور صدر د فخرعالم پر سرک د عسکري بانک ترڅنگ د سلو کيلوگرامو چاوديدونکو موادو پر مټ چاودنه رامنځته شوه، چې په ترڅ کې يې تردې دمه ١٠ کسان وژل شوي او له ٧٥ زيات ټپيان دي د پېښور په روغتونونو کې بيړني حالات نافذ دي دا چاودنه د صدر بازار په گڼه گوڼه کې رامنځته شوې ده تردې دمه د چاودنې مسئوليت چا په غاړه نه دى اخستې او نه حکومتي چارواکو چاته گوته نيولې خو د پلټنو دپيل اعلان يې کړى دا چاودنه چا کړې، ولې شوې دا هغه پوښتنې دي، چې ولس يې له اندېښنې سره مخ کړى په دې چاودنه کې يواځې ملکي وگړو ته مرگ ژوبله اوښتې ده دولتي چارواکو د ترهگري عمل گڼلې او هوډ يې کړى، چې ترهگر به له منځه وړي له دې چاودنې نه وړاندې د بنو د منډان په تاڼه کې ځانمرگى بريد وشو، چې په ترڅ کې يې ٦ کسان ووژل شول او د پاکستان د طالبانو يو وياند قاري حسين د هغه ځانمرگي بريد مسئوليت په غاړه واخست د پاکستان حکومت شايد دغه دواړه پېښې يو بل سره تړلې وگڼي خو په بنو کې د امنيتي ځواکونو په تاڼه بريد شوى او مسئوليت يې هم څرگندو خلکو په غاړه واخيست خو د صدر چاودنه لاتردې دمه پټه پاتې ده چې چا کړى او ولې کړې ده د پاکستان د حکومت څېړنو ته به ولس انتظار وکړي، چې دوى د دغې چاودنې گوته چاته نيسي د خبري رسنيو په خبره د صدر د چاودنې په ځاى کې دوه مشکوک کسان هم نيول شوي، چې د پلټنو دپاره نامعلوم لورې ته لېږدول شوي چاودنه که د هرچاله خوا رامنځته شوي يوه خبره څرگنده ده، چې په ولس کې ويره او ترهه خوره شوه د سرحد پوليسو د پېښور د دولتي تاسيساتو امنيت کلک کړى او ځاى په ځاى گزمې پيل شوي په مشکوکو خلکو د څار لمنه راتنگه شوې
qadirandewal@yahoo.com
Pakhtoonpost@gmail.com
