د لوي او بخښوونكي خداي په نامه
پښتون پوسټ ورځپاڼه
سرليكنه (اداريه )
دا چې د ملگرو ملتونو غونډه هر کال دنيويارک په ښارکې جوړيږي او د ملگرو ملتونو د غړو هېوادونو ولسمشران په کې ويناوې کوي او د خپل راتلونکي په اړه څرگندونې کوي او د تېرو لاسته راوړنو يادونه کوي سږ کال هم د امريکا د ولسمشر بارک اوباما وينا پرانستل شوه په دې غونډه کې د ايران ولسمشر او د ليبيا ولسمشر د امريکا په وسنيو او پخوانيو پاليسو انتقادونه وکړل د ايران ولسمشر محموداحمدي نژاد او د ليبيا ولسمشر قذافي پر امريکا غږ وکړ چې د افغانستان څخه دې سر تېري وباسي د نړۍ د ټولو سياستوالو پام دا مهال د افغانستان ستونزې ته راگرځيدلى چې په داخل د افغانستان کې د ائتلافي ځواکونو خلاف مقاومت د پخوا په نسبت څو چنده زيات شوى امريکا غواړي چې افغانستان ته د مقاومت د ټکولو لپاره ٣٠ زره يا ٤٠ زره سرتېري راوليږي چې د طالبانو خلاف مقاومت وکړي دا چې د افغانستان ولسمشر حامد کرزي ولې د ملگرو ملتونو په غونډه کې برخه وانه خسته او پرځاى د بهرنيو چارو وزير رنگين داد فرسپنتا امريکا ته وليږو يو لړ اندېښنې يې راوپارولې که تاريخ ته وکتل شي تر دې دمه د ملگرو ملتونو له خوا داسې کوم اقدام نه دى شوى چې پر اساس يې د کوم هېواد ستونزه هواره شوي وي خو د ملگرو ملتونو د اوسنۍ غونډې موضوع د ترهگرۍ ستونزه وه چې په څه ډول نړۍ له ترهگرۍ وژغورل شي چې د ايران او ليبيا ولسمشرانو په خپله امريکا مسئوله وگڼله چې په نړۍ کې ترهگرۍ کې وده ورکوي دا اوس د امريکا پورې تړلې ده چې د ايران او ليبيا د ولسمشرانو د وينا په غبرگون کې څه وايي خو نړۍ يو ډول ستونزې سره مخ ده او دغه ستونزه په څه ډول له منځه وړل کيږي د حل لپاره يې نړيوال لا داسې پلان نه لري چې له مخې يې د نړۍ دغه ستونزه هواره شي
qadirandewal@yahoo.com
Pakhtoonpost@gmail.com
