د لوي او بخښوونكي خداي په نامه
پښتون پوسټ ورځپاڼه
سرليكنه (اداريه )
نېږدې شپږ مياشتې د پېښور د هزارخوانۍ سيمه کې رحمان بابا قبر نامعلومو وسله والو وران کړ، چې په غبرگون کې په نړۍ کې ميشتو پښتنو دغه کار وغندو او د پاکستان د حکومت څخه يې غوښتنه وکړه، چې د رحمان بابا قبر بېرته د پخوا په څير جوړ کړي که څه هم په هغه وخت کې د پاکستان ولسمشر آصف علي زرداري او د پښتونخوا اعلى وزير امير حيدر هوتي خبريالانو سره په خبرو کې ژمنه وکړه، چې د رحمان بابا قبر بېرته ورغوي که څه هم د افغانستان اطلاعاتو کولتور وزارت د رحمان بابا قبر يې تازه تازه جوړ کړى و ژمنه وکړه، چې يو ځل بيا به يې جوړوي خو له شپږو مياشتو د تېريدو سره سره رحمان بابا قبر هماغسې ويجاړ پروت دى د پښتنو د صوفي شاعر رحمان بابا قبر که همداسې وران پاتې شي نو امکان شته، چې د وخت په تېريدو سره بالکل له منځه لاړ شي د پاکستان حکومت او په ځانگړيتوگه د پښتونخوا اعلى وزير امير حيدر هوتي څخه غوښتنه کيږي، چې هرڅومره زر کيداى شي د رحمان بابا قبر بېرته جوړ کړي که څه هم د پښتونخوا د ايالتي حکومت چارواکو په ولس کې اوس يو ځاى او مقام وموند، چې د سعودي عرب سره يې د ولس په غوښتنه کوچنى اختر وکړ نو په رحمان بابا قبر ورغوي نو محبوبيت به يې په څو چنده زيات شي د ايالتي حکومت څخه غوښتنه کوو، چې د پښتنو د زړونو د گټلو لپاره د رحمان بابا قبر هر څومره زر کيداى شي جوړ کړي يوې خوا په دې سره به د رحمان بابا خواږي د حکومت څخه خوشحاله او په ټولو پښتنوې کې د ايالتي حکومت مينه زياته شي ځکه پښتانه به په دې باور وکړي، چې د عوامي نيشنل گوند او د خلکو د گوند گډ حکومت په رښتينى معنا د خلکو غوښتنو ته پاملرنه کوي او مشران يې نمانځي او قبرونه يې د لرغونو اثارو په توگه بيارغوي چې دا د تاريخ ستر باب گڼل کيږي اوس دا د مرکزي او صوبائى حکومتونو پورې اړه لري چې څومره زرکيداى شي د رحمان بابا قبر جوړ او د پښتنو زړونه ترلاسه کړي
qadirandewal@yahoo.com
Pakhtoonpost@gmail.com
