ليکوال : خليل تسل \\جلال اباد
دزمري دنه وېشتمې نېټې ټاکنو څرګنده کړه چې ولسمشرکرزى يوځل بياګتونکى دى اودراتلونکوڅلورکلونو لپاره به يوځل بيادافغانستان ولسمشروي دټاکنودخپلواک کميسون دراپورپه اساس نوموړي له سل سلنې څخه ډېرې رايې په يوويشتوولايتونوکې خپلې کړې چې ډېرى يې پښتنتي ولايتونه دې خوله بده مرغه چې دغه کسانوچې ولسمشرته يي رايې ورکړې دومره سوچ ونه کړچې ښاغلي کرزي ته دکوم امتيازاوځانګړتياووپه اساس خپلې رايې ورکو ي ؟ لږترلږه خوداسوچ ضروروو چې په تيره دوره کې هغه څه وکړل ددو ى کوم درديې دوا کړپه داسې حال کې چې دپنجشيراودايکنډي ولسوالۍ دپښتنوضدسياسي دښمنانانوته دسياسي رشوت په توګه ورکړل شوې اواوس برحال ولايتونه دي اودومره کار ورته کېږي ، چې پلازمينه کابل هم دومره دپاملرنې وړنه ده دنوموړي دويم مرستيال کريم خليلي هم چې يومتعصب هزاره دى له هغه داژمنه ترلاسه کړې دکامېبدولپاره به ټول راېې ده ته ورکوي اونوموړى به ورته دښاغلي خليلي خپله ولسوالي دوردګو جلريز ولايت کوي حال داچې يوپښتني ولايت ته پاملرنه څه چې حتى يوه ورځ هم داسې په کې نه تېرېږي چې يوپښتون دې په کې نه وژل کېږي بيارغونه خوپه ځاى پرېږده دهلمندهغه درانه پښتآنه چې په هغه وﻻيت کې خانان وواوهغه دچاخبره نورسوالګربه يې په دسترخوان ماړه وواوس دکابل په ښار کې سوال کوي اوپه ليدو يې سړى داهېروي چې دايووخت دخپلې سيمې خانان وو په ملي اردواوملي پوليسوکې چې يولوى پښتون افسرووژل شي نوهېڅ پرې خوانه درنوي اونه هم څوک ورته اندېښنه کوي ، دکمېسون جوړولو امرکوي خو که يوغيرپښتون افسر ووژل شي دمرستې پيغامونه اوپه مړينه ورته رتبې ډالۍ کېږي
په هلمند، کندهار، وردګو، پکتيا،خوست کنړ،جلال اباد،لغمان اونوروپښتني ولايتونوکې پښتانه هره ور ځ په مرګ محکوم دي بهرنيانوته دترورېست په نوم ورپېژندل کېږي په رنګارنګ شاعرانه نومونو فوځي عمليات ورباندې کېږي چې ټولې يې دښاغلي کرزي دحکومت پايله ده حال داچې همدغه پښتانه ووچې نوموړى يې دروزګان له غرونو دکابل ارګ ماڼۍ ته ورسولو .
دښاغلي کرزي اوسني معاونين هم داسې کسان دې چې دپښتنوپه وينويې لاسونه سره دي اوکله يې هم په پښتنوښه ژوندنه دى پېرزو ښاغلى فهيم چې اصلايوفوځي دى څنګه به وکړى شي ديوه هېواد دولسمشرۍ چارې سمبال کړي خودا ښاغلي کرزي مجبوريتونه ووچې نوموړى دې ته مجبورکړخو که ولسمشرددې په ځاى خپل قوم ځانته نږدې کړى وى نواوس به داسې مجوريتونو هغه دخلکو له زړونو نه لرې کولو اوس بله مهه خبر ه داده چې کرزى وايي چې نوموړى يو ملي حکومت غواړي اودملي مشارکت دلارې خپل حکومت جوړوي اوکله هم داېتلافي جوړولوخيال نه لري خو په دې حالت کې بې له د ې بله لارنه لري دداسې مرستيالانو نيول خپله دامانالري ډېرى پښتانه اوس په دې وېره کې دي چې برخليک يې دهزارووپه لاس کې دى په پارلمان اوهمدارازپه ولايتي شوراګانو کې هغه کسان شامل دي چې په هزاره اقليت پورې اړه لر ي هغوى ته دې مبارک شي خو پښتنو ته خداى پېښه کړې ده چې هرځاى له بدبختيوسره لاس اوګرېوان دي چې کله يې هم مشرانو ورباندې رحم نه دى کړى هروخت دپښتنوپه هڅو اورايو مشران ټاکل شوي خو بيابېرته دهغوى دسرچنګک ګرځېدلي اودل کړي يې دي
هسې به دپښتنوپه بدبخته نصيب کې داليکل شوي وي ؛چې کله به يې هم خوښي نصيب نه شي اودتل لپاره به دواقعي مشرانو څخه بې برخې وي خو ولسمشرکرزى بايدپوه شي چې که يوڅوک دچالخواواک ته رسول کېږي نو بياېې لر ې کول هم دتاريخ په اوږدو واک هم دهمدى په لاس و رنه اخېستل کېږي په دې هيله اودعاچې خداى پښتنو ته واقعي مشران ورپه برخه کړي چې دهغوى خدمتګاران وي نه چې په سرونو يې سوداګري وکړي .
