د لوي او بخښوونكي خداي په نامه
پښتون پوسټ ورځپاڼه
سرليكنه (اداريه )
د نړۍ د مسلمانانو لپاره الله تعالى په کال کې دوه خوښۍ ورکړي، چې يوه يې د کوچني اختر خوښي ده او بله يې د لوى اختر. د کوچني اختر خوښي په دې وجه ده، چې يوه مياشت يې د الله تعالى د رضا دپاره روژه نيولي وي او د روژې څخه وروسته الله تعالى ورته د خوښۍ دغه ورځ وربښلې حضرت محمد ص فرمايي :لکل قوم عيد و هذا عيدنا د هر قوم لپاره خپله خوښي ده او دا زمونږه خوښي ده اوس چې د خوښۍ دغه ورځ رارسيدلې د نړۍ مسلمانانو ته په کار دي، چې د اسلامي امت د يووالي لپاره هلې ځلې وکړي نن چې مونږ څومره فکر کوو په نړۍ کې مسلمانان د سختو ستونزو سره مخ دي ددې علت صرف او صرف دا کيدلى شي، چې مسلمانان د خپل دين د عملي کيدو په لاره کې د کمزورۍ ښکار دي که چيرى مسلمانان په رښتينې معنا د اسلام په مقدس دين د زړه له اخلاصه عمل کړي نو د هيڅ ډول اندېښنو او بدمرغيو سره به نه مخ کيږي نن ورځ نړيوال کفري ځواک په نړۍ کې د مسلمانانو د ځپلو لپاره لاس يو کړى دى او په هر ځاى کې مسلمان په يوه او بله پلمه وهل کيږي نړيوال ځبرځواک کفر د خپلو خوښو لپاره ځانگړې ورځې لري او هغه ورځې يواځې په يوه ورځ نمانځي خو د مسلمانانو کمزوري په دې کې ده، چې د کوچني اختر د ورځې په نمانځنه کې له اختلاف څخه کاراخلي په ځنو هېوادونو کې په يوه ورځ کوچنى اختر وي او په ځنو کې بيا په بله ورځ که چيرى د نړۍ مسلمانان يواځې د يوې سرچينې (سعودي عربستان) سره د روژې او کوچني اختر د نمانځنې لپاره کارواخلي نو اسلامي وحدت ته به تاوان نه رسيږي او په نړۍ کې به مسلمانان يوه ورځ د خوښۍ لپاره ټاکي اوس د نړۍ مسلمانانو ته په کار دي، چې د کفر د ځبر ځواک په مقابل کې خپل يووالى وښايي او د خپلو ستونزو د حل کيدو لپاره د يو ستر قيادت لاندې راټول شي که څه هم يوه بله کمزوري چې گوته ورته نيول کيږي هغه د مسلمانانو د قيادت نشتوالى دى که چيرى که د نړۍ ټول مسلمانان د يو قيادت لاندې راټول شي او د هماغه يو مشر خبره ومني نو د نړۍ ټول مسلمانان به له بېلابېلو ستونزو خلاص او د نيکمرغۍ په لورې روان وي.
qadirandewal@yahoo.com
Pakhtoonpost@gmail.com
