د لوي او بخښوونكي خداي په نامه
پښتون پوسټ ورځپاڼه
سرليكنه (اداريه )
ولسمشر کرزي په کابل کې د يو پريس کانفرانس پر مهال څرگنده کړه، چې ايتلافي حکومت يوه بې معنا اصطلاح ده خو غواړو، چې د ملي مشارکت له مخې حکومت رامنځته کړو ډاکټر عبدالله عبدالله هم د ايتلافي حکومت جوړښت رد کړى خبره په ملي مشارکت کوو، چې دا کليمه څه معنا لري د ملي مشارکت حکومت معنا به دا وي، چې ولسمشر کرزى غواړي چې جنرال دوستم، جنرال فهيم، محمد کريم خليلي، محمد محقق او يو شمېر پښتانه لکه په حکومت کې راگډ کړي او د وزيرانو، رييسانو او مشاويرينو او يا د رييسانو څوکۍ ورکړي آيا دا ملي مشارکت دى حامد کرزي په څرگنده توگه جنرال فهيم او محمد کريم خليلي خپل مرستيالان ټاکلي دي جنرال دوستم، محمد محقق او نورو يې په ټاکنو کې ملاتړ کړى دى چې اوس هغوى په دې تمه دي، چې په حکومت کې ورته ونډه ورکړي يا وزيران شي، يا واليان يا مشاويرين او يا د رييسان که څه هم محقق دعوه کړې، چې يو شمېر ولسوالۍ ورته په ولايتونو واړوي چې دا هغه ژمنې دي چې د ځينو سياسي کارپوهانو په اند د ملي مشارکت يوه بڼه ده چې په خپله ايتلافي حکومت ته ورگرځي او د ايتلافي حکومت نوم ورکولى کيږي ولسمشر کرزى چې يو ځل بيا د ولس په زيات ملاتړ د ولسمشرۍ څوکۍ ته رسيږي او زياتره رايې د پښتنو د سيمو ترلاسه کړي آيا اوس به نوموړى ددې جوگه شي چې د پښتنو د سيمو ستونزې حل کړي په ملي مشارکت کې د پښتنو برخه زياته او څرگنده وي که څه هم يو داسې کابينه به رامنځته کيږي چې د ولسمشر کرزي په اصطلاح د ملي مشارکت په رڼا کې به جوړه شوي وي او د پښتنو نماينده گي او استازيتوب به په کې کم وي .
qadirandewal@yahoo.com
Pakhtoonpost@gmail.com
