د لوي او بخښوونكي خداي په نامه
پښتون پوسټ ورځپاڼه
سرليكنه (اداريه )
د پښتونخوا د حکومت لخوا د يوې پريکړې له مخې ټاکل شوى ده، چې په پښتونخوا کې کوچنى اختر د سعودي عرب سره ونمانځل شي په دې لړ کې د پښتونخوا اعلى وزير امير حيدرهوتي، د اطلاعاتو وزير مياافتخارحسين او د پښتونخوا د حج او اوقافو وزير د يو شمېر ديني عالمانو سره غونډې وکړې او وروسته يې د پېښور د ستر مسجد قاسم علي خان چارواکو سره يې هم مشورې شريکې کړې او وروسته يې د يو وړانديز په بڼه مرکزي حکومت ته وليږه خو د پاکستان د مياشتې د ليدو د مرکزي کميټۍ مشر مفتي منيب الرحمان د پښتونخوا د حکومت لخوا د ديني علماء ليږلى وړانديز ردکړى او څرگنده کړې يې ده، چې دغه کميټۍ خپلواکه ده او د پښتونخوا د حکومت او ديني علمانو وړانديز ورته د منلو نه دى او دوى په د يکشنبې په ورځ چې سپتمبر د مياشتې شلمه نېټه کيږي د مياشتې ليدو لپاره غونډه کوي خو بلخوا د پښتونخوا حکومت لوړپوړو چارواکو او په ځانگړي توگه سينئر صوبايي وزير بشير بلورڅرگنده کړې، چې د شنبې په ورځ د سپتمبر په نونسمه به پخپله په قاسم علي خان مسجد کې د مياشتې ليدو د ديني عالمانو په غونډه کې برخه اخلي که د مياشتې د ليدو کره شواهد ترلاسه شول او د مرکز لخوا ونه منل شول نو پخپله به د پښتونخوا په کچ د کوچني اختر اعلان کوي بلخوا د سوريې د ستورو د پيژندونکو د ټولنې مشر محمد العصيري وړاندوينه کړې، چې په زياترو اسلامي او عربي هېوادونو کې به د يکشنبې په ورځ کوچنى اختر وي که څه هم په پاکستان کې داسې څرگنديږي، چې يوځل بيا به په دوه و بيلابيلو ورځو د کوچني اختر د نمانځنې اعلان وشي د پښتونخوا اعلى وزير خبريالانو سره په خبرو کې د خپل حکومت لخوا د ليږل شوي وړانديز ملاتړ کړى او څرگنده کړې يې ده، چې مونږ غواړو په پاکستان کې په بيلا بيلو ورځو د اختر او روژې دود ختم کړو خو مرکز يې ورسره نه مني.
qadirandewal@yahoo.com
Pakhtoonpost@gmail.com
