د لوي او بخښوونكي خداي په نامه
پښتون پوسټ ورځپاڼه
سرليكنه (اداريه )
د وږي د مياشتې ٣٠ په نړۍ کې د سولې د ورځې په توگه نمانځل کيږي ملگرو ملتونو دغه ورځ د سولې په نوم نومولى او د نړۍ په جنگونو کې پر ښکيلو ډلو ملگري ملتونه غږ کوي، چې د وږي د مياشتې پر ٣٠ نېټه جگړه نه کوي او په دې سره دې په نړۍ کې د سولې او امنيت خبره باوري کړي سږ کال په افغانستان کې دغه ورځ د کوچني اختر د لومړۍ ورځې سره برابره ده، چې په ديني لحاظ پخپله د سولې معنا لري په کوچني اختر کې، چې په مخکې يې د روژې مبارکه مياشت تېره شوي وي مسلمانان خوښي کوي او د هر ډول تربگنيو تيريږي او خپلو مسلمانانو وروڼو ته د خوشحالۍ غاړې ورکوي تېروتنې وبخښي او يو بل سره د خوښۍ او سولې په فضا کې ژوند کوي سږ کال ملگرو ملتونو يو ځل بيا پر افغانستان کې پر ښکيلو لوريو غږ کړى، چې د وږي پر ٣٠ نېټه، چې د کوچني اختر سره برابره ده يوه ورځ جنگ بندي وکړي او په دې سره نړۍ ته وښايي که څوک قصدا جگړه ونه غواړي نو په ټوله نړۍ کې سوله او خوښي ده پروسه کال طالبانو هم په دغه ورځ يوه ورځ جنگ بندي اعلان کړې وه او سږ کال هم ترې هيله کيږي، چې د کوچني اختر او د سولې په ورځ جنگ بندي وکړي او په دې سره ثابته کړي، چې کو څوک وغواړي په ډېرې اسانۍ سره په نړۍ کې سوله راتلى شي د سولې هدف وروري او خوښي ده، چې په خپلو مينځو کې له جگړو لاس واخستل شي او يواځې په سوله او په ارامۍ کې ژوند وکړى شي ملگرو ملتونو په نړۍ کې ځنې ورځې په گوته کړي، چې د هغو ورځو څخه يوه هم د سولې ورځ ده، او په نړۍ کې سوله هغه کسان ډېره غواړي، چې په جنگونو او جگړو اخته وي، چې څرگند مثال يې افغان ولس دى، چې له تېرېو نېږدې ٤٠ کلونو کې د سولې شيبه نه ده کتلې او ټول عمر يې په جگړو تېرشو او نېږدې څلور نسلونه د سولې له نعمت څخه تردې دمه بې برخې دي.
qadirandewal@yahoo.com
Pakhtoonpost@gmail.com
