
د لوي او بخښوونكي خداي په نامه
پښتون پوسټ ورځپاڼه
سرليكنه (اداريه )
د ټاکنو کميسون تر دې دمه ٩٢.٨ فيصده رايې شمېرلي، چې په کې حامدکرزي ٥٤.٣ فيصده او ډاکټر عبدالله عبدالله ٢٨.١ فيصد رايى ترلاسه کړي د بې قانونۍ او د تېروتنو په تور ٢١.٣ فيصده رايى ځنډول شوي دي خو په شمېرل شويو رايو کې بيا هم حامد کرزى له داکټر عبدالله وړاندې او بل طرف ته له پېښور څخه خپريدونکي د شهادت ورځپانى د اکټر عبدالله د انتخاباتي مرکز يو نامعلوم چارواکي لخوا له لورې د ډاکټر عبدالله د حکومت د کابينى لست خپور کړى او ورسره يې څرگنده کړې، چې ډاکټرعبدالله د شلو ولايتونو لپاره واليان هم ټاکلي و ددې لست څخه څرگنديږي، چې ډاکټر عبدالله په خپل بري باوري دى او د انتخاباتو پر کميسون يې څو ځله تورونه پورې کړل، چې د حامد کرزي په حق کې درغلي کړې او د زياتو سيمو رايې، چې ډاکټر عبدالله ته ورکړى شوي د حامد کرزي په حق کې شمېرل شوي د سياسي کارپوهانو په خبره د انتخاباتو د بشپړې شمېرنې څخه وړاندې د ډاکټرعبدالله لخوا د کابينې جوړول او د واليانو ټاکل دا په گوته کوي، چې نوموړى په دې باوري دى، چې رايې به خامخا گټي خو خبره داده، چې د بشپړو رايو د شمېرلو څخه وړاندې د کابينې اعلان يو لړ نيوکې او شکونه راپورته کوي، چې ولې لا په رسمي توگه ټولې رايې نه دي شمېرل شوي او ډاکټر عبدالله خپله کابينه ټاکي او يا خو دغه کابينه د ډاکټر عبدالله د ځينو چارواکو لخوا له وخت څخه وړاندې رسنيو ته په واک کې ورکړى شوې ده که څه هم ځينو سياسيت پوهانو په نظر په دې کابينه کې ډېرې نوې، بې تجربې او يو شمېر ناندريزې څېرې دي، چې قضاوت پرې د ولس غوښتنه ده.
qadirandewal@yahoo.com
Pakhtoonpost@gmail.com
د کابينې لست دلته وگورئ: http://www.scprd.com/news/viewstory.php?sid=6596