د لوي او بخښوونكي خداي په نامه
پښتون پوسټ ورځپاڼه
سرليكنه (اداريه )
د پژواک د خبري اژانس خبر ورکړى، چې په پېښور کې پوليسو دوه سوه افغانان د بې قانونه اوسيدلې او د جرمونو په تور نيولي دي خو بيا افغانانو پژواک ته ويلي، چې بې گناه دي او بازار کې د کوچني اختر د سودا اخستلو پر وخت په بې گناه توگه نيولي او پيسې ترې غواړي دا ښکاره خبره ده، چې په پاکستان کې نېږدې څلور ميليونه افغانان د کډوالۍ شپې تېروي، چې د ځينو سياسي، کولتوري او اقتصادي ستونزو له امله نه شي کولاى، چې افغانستان ته بېرته ستانه شي په دغه افغانانو کې يو شمېر افغانانو ته د افغانستان، پاکستان او د ملگرو ملتونو د کډوالو کمشنرۍ په گډه قانوني کارډونه ورکړي، خو د افغانانو په خوله د پاکستان پوليس دغه قانوني کارډونه نه مني او ستونزې ورته پيښوي د روژې د مبارکې مياشتې پرمهال په پېښور کې د پوليسو لخوا د افغان کډوالو نيونه د افغانستان او پاکستان د ولسونو ترمنځ خوږو اړيکو ته ستر گوزار گڼل کيږي د پاکستان او په ځانگړي توگه د پېښور د پوليسو څخه جدي غوښتنه کوو، چې په پېښور کې د افغانانو له نيولو لاس واخلي او هسې په پلمو دوى نه تنگوي؛ ځکه، چې په افغانستان کې لا سياسي شرايط ددې غوښتنه نه کوي، چې نېږدې څلور ميليونه افغانان دې په ډله اييزه توگه بېرته خپل هېواد ته ستانه شي او دافغانستان حکومت هم لا ددې توان نه دى پيدا کړى، چې دومره افغانان ومني که څه هم پاکستان، افغانستان او د ملگرو ملتونو نړيوالې کمشنرۍ په پاکستان کې د افغانانو د اوسيدنې قانوني وخت تر ٢٠١٢ پورې غزولې دې ته په پام سره په پاکستان کې پوليس حق نه لري، چې مېشت افغان کډوال د بې قانونۍ په پلمه او يا په نورو نومونو ونيسي په پېښور کې د افغان قونصلگرۍ او په اسلام اباد کې افغان سفارت ته هم گوته نيول کيږي، چې په دې لاره کې قانوني پوښتنې نه کوي او تل د افغانانو شکايتونه د دوى څخه رسنيو ته رسيږي
qadirandewal@yahoo.com
Pakhtoonpost@gmail.com
