د لوي او بخښوونكي خداي په نامه
پښتون پوسټ ورځپاڼه
سرليكنه (اداريه )
پښتو، چې د خپل تاريخ له مخې يوه لرغونې ژبه ده او په هر وخت کې يې خپل ارزښت ساتلى که څه هم د وخت ناخوالو يو څه ستونزې ورته پېښې کړي خو د خپل تاريخي شتون د مخې پښتوژبه د وخت د ناخوالو څخه بريالۍ راوتلې اوس د نړۍ په زياتره برخو کې د پښتو ځانگړې خپرونې شته، تلويزيون، اخبار، ويب سائټ، راډيو او نورې داسې خبري رسنۍ شته، چې په پښتو ژبه ځانگړې خپرونې کوي، چې دا په خپله د پښتو ژبې د ودې او پرمختگ لپاره ستر رول لري خو يوه ستونزه، چې ورته پيښه ده هغه د پښتو د گډليکدود ستونزه ده، چې ځنې ليکوال ورسره مخ دي د پښتو ژبپوهانو ته ښايي، چې په يوې گدې تگ لارې سره د پښتو د گډليکدود لپاره کاروکړي اوس، چې ځنې خبري رسنۍ، او ويب پاڼې پښتو خپرونې کوي ليکدود يې بېلا بېل دى، چې دا د لوستونکي لپاره ستونزې زيږوي، د مثال په توگه کې، کښې، وشول، وسول، نخښه، نښه او داسې نور هغه کليمې دي، چې په بېلا بېلو بڼو ليکل کيږي يوه ستونزه د گ، ګ، چې يو څوک يې يو ډول ليکي او بل څوک يې بل ډول ليکي ځنې عربي کليمې، چې پښتو ته په مفغن شکل راغلي په اصلي بڼه ليکي او ځنې يې په بدله بڼه لکه خلق، خلک، طمعه،تمعه ، معلومات، ملومات... دا هغه ستونزې دي، چې بېلابېل ليکوال اړ کوي، چې يوه بڼه په کې خپله کړي خو يو بل ليکوال بيا د هغه ليکوال بڼه ناسمه بولي او وايي، چې زما بڼه کره ده او دا بله ناکره ده ښکته، کښته ، له امله، له لامله ... د پښتو ژبپوهانو ته په کار دي، چې په دې اړه خپله غوڅه پريکړه اعلان کړي او يا يو داسې ټولنه رامنځته کړى شي، چې د پښتو ژبې د ليکدود د يو کيدو لپاره هلې ځلې وکړي که څه هم د کوزې پښتونخوا ليکوال بيالوستنه، لستنه ليکي ، چې ايا سړى اړ شي، چې دې کومه يې کره ده.
qadirandewal@yahoo.com
Pakhtoonpost@gmail.com
