د لوي او بخښوونكي خداي په نامه
پښتون پوسټ ورځپاڼه
سرليكنه (اداريه )
په کابل کې د ايران سفير افغان دولت ته وړانديز کړى، چې ائتلافي حکومت دې جوړ کړي؛ ځکه، چې په ټاکنو کې د درغليو له امله يو کانديد هم پوره رايه نه شي وړاى نو ائتلافي حکومت رامنځته شي نو په گټه به وي د ايران په دې وړانديز سره ټولو افغانانو ته څرگنديږي، چې په دې کې ايران څه هدف؟ ايران د يوې خوا د ډاکټر عبدالله سره خواږي لري او له بلې خوا کريم خليلي سره د زړه له تله مرسته کوي، چې د کرزي دويم مرستيال ټاکل شوى په تاريخ کې څرگنده شوې، چې ايران تل په افغانستان کې د اقليتونو مرسته کړې او د اکثريت پښتنو په خلاف يې راپارولي اوس غواړي، چې په افغانستان کې د ائتلافي حکومت په نوم يو کمزورى حکومت رامنځته کړي او خپلې گټې په کې ترلاسه کړي ايران تل هڅه کړې، چې د پښتنو اکثريت کم وښايي او له همدې لپاره يې د هېواد اقليتونه په خوا پورې نيولي دي او مرسته ورسره کوي بله دا، چې ايران تل هڅه کوي، چې په سيمه کې پښتو ژبه کمزوري کړي او ددې لپاره يې د افغانستان ، تاجکستان او ايران ترمنځ د گډ فرهنگي مرکز او د يو گډ تلويوزني کانال د پرانستو لپاره هم هلې ځلې پيل کړي د گډ فرهنگي مرکز د جوړيدو لپاره د ايران، افغانستان او تاجکستان ولسمشرانو څو ځله غونډې هم کړي دي سړى نه پوهيږي، چې ايران ولې په افغانستان کې د پښتنو د ځواکمن حکومت څخه په ويره کې دى په تېرو درې لسيزو کې ايران په افغانستان کې داسې لاسوهنې ترسره کړې او تل په فرهنگي مبارزه بوخت دى، د سيمې څخه پښتو بشپړه ختمه کړي د ايران اوسنى وړانديز که څه هم د افغان حکومت له خوا رد شوى خو دغه رد هم په خپل ځاى کمزورى ښکاري افغان حکومت بايد د گاونډيو هېوادونو سره دپلوماتيکو اصولو په رڼا کې چلند وکړي او هيڅ گاونډي هېواد ته اجازه ورنه کړي، چې افغانستان ته د حکومت د جوړولو په اړه مشورې ورکړي دا د افغانانو حق دى، چې کوم ډول حکومت غواړي بايد جوړ يې کړي تر دوهمې ځل انتخابات ترسره کيږي او که د همدغو انتخاباتو په رڼا کې جوړ شوى حکومت جوړوي هيڅ گاونډي هېواد ته حق نشته، چې د کوم بل هېواد کورنيو چارو کې لاسوهنه وکړي.
qadirandewal@yahoo.com
Pakhtoonpost@gmail.com
