د لوي او بخښوونكي خداي په نامه
پښتون پوسټ ورځپاڼه
سرليكنه (اداريه )
ولسمشر کرزي په کندوز کې د تېرې ورځې د هوايي بريد له امله په لسگونو ملکي وگړي شهيدان او ټپيان شول، چې دولتي او د ايساف چارواکو ومنله، چې په بريد کې زياتره ملکي وگړي شهيدان شوي ولسمشر کرزي په پېښه خواشينې څرگنده کړې، او يو پلاوي ته يې دنده سپارلې، چې کندوز ته لاړشي او پېښه له نېږدې وڅېړي، چې ولې ولسي وگړي د ايتلاف د هوايي بريد سره مخ شول که څه هم طالبانو په يوې اعلاميه کې د ملکي وگړو وژنه غندلې خو اوس، چې ولسمشر کرزي کندوز ته پلاوى لېږلى اوس انتظار پکاردى، چې نوموړى پلاوې کومې پايلې ته رسيږي ائتلافي ځواکونو، چې په ملکي وگړو بريدونه کړي شهيدان کړي يې دي ولسمشر کرزي د پلټنې پلاوي لېږلي، د پلټنې کميسون يې ټاکلى خو هيڅ نتيجه يې هم نه ده ورکړې، خو اوس، چې يو ځل بيا ولسمشر کرزي د کندوزد پېښې د څېړنې لپاره پلاوى ټاکلى، چې څرگنده دې وي، چې ائتلافي ځواکونو ولې په ملکي وگړو بريد کړى، په دې پېښه کې د پړې گوته طالبانو ته نيول کيږي او که ائتلافي ځواکونو ته دا به د پلاوې په راپور کې څرگنده شي خو اساسي خبره د پلاوي بې پرې پلټنه ده، که څه هم په رسنيو کې ثابته شوې، چې وژل شوي يواځې ملکي وگړي دي که څه هم د کندوز امنيه قوماندان خبريالانو سره په خبرو کې څرگنده کړې، چې په دې بريد کې شپږ پنځوس طالبان وژل شوي خو طالبان بيا دا خبره نه مني او وايي، چې يواځې په بريد کې ملکي وگړي وژل شوي دي، چې د رسنيو له لارې يوځل دا خبره سپينه شي، چې وژل شوي کسان يواځې ملکي وگړي دي نو بيا د ولسمشر د پلټنې دپلاوي او يا کميسون گټه به څه وي؟ ځکه نړيوالو او ولس ومنله، چې بريد د ائتلافي ځواکونو لخوا رامنځته شوى او وژل شوي يواځې او يواځې ولس وگړي دي او د جگړې مخالف لورې ته تاوان نه دى رسيدلى
qadirandewal@yahoo.com
Pakhtoonpost@gmail.com
