د لوي او بخښوونكي خداي په نامه
پښتون پوسټ ورځپاڼه
سرليكنه (اداريه )
د کندوز والي محمد عمر پژواک خبري اژانس ته څرگنده کړې، چې طالبانو د کندوز بغلان د لويې لارې دوه ټينکره د الوتکو تېل په کې بار وه په خپلو کې ويشل، چې چاودنه يې رامنځته کړه د چاودنې په ترڅ کې د ملا عبدالرحمان په نامه د يو قوماندان په گډون پنځوس طالبان وژل شوي دي په يوې بلې منيتې سرچينې پژواک ته څرگنده کړې، چې ددې پېښې مرگ ژوبله له دوه سو اوښتي ده خو يو بل سيمه ييز اوسيدونکي ويلي، چې پېښه د امريکا د جيټ الوتکو د بريد له امله رامنځته شوې، چې ټول ځاى اور اخستې خو بلخوا طالبان هم په يوې اعلاميه کې څرگنده کړې، چې امريکايي ځواکونو بريد کړى، چې په ترڅ کې يې لږ تر لږه ٩٠ کسان وژل شوي دي. او طالبانو ته په کې زيان نه دى رسيدلى.مونږ په دې خبره نه کوو، چې پېښه د ټانکرو د چاودنې له امله رامنځته شوې او که د ائتلافي ځواکونو د بريد له امله خو په شهادت رسيدلي يواځې ملکي وگړي دي او دهغه هم لږ تر لږه ٩٠، چې دا پخپله افغانانو ته يوه ستره غميزه ده، چې يواځې او يواځې ملکي وگړي د ناببره پېښو قرباني کيږي.مونږ هم د ملکي وگړو په شهادت او وژنې خوشيني ښکاره کوواو پر حکومت، ائتلافي ځواکونو او طالبانو غږ کوو، چې د ملکي وگړو د وژنې د مخنيوى لپاره لازمې هلې ځلې وکړي تر څو به افغانان په بې گناه توگه په نامعلومو دلايلو وژل کيږي، چې د زغملو وتلې خبره ده.
qadirandewal@yahoo.com
Pakhtoonpost@gmail.com
