ځینې داسې فکر کوي، چې جنسي جذب او لېوالتیا به له عقل څخه پیلیږي، خو یوه نوې څیړنه وايي هر څه همالته پای ته رسیږي، امریکايي څیړونکي وايي: موږ هغه راز کشف کړی دی،چې دسکس / کوروالي پرمهال دښځو دماغ ته څه ورپېښیږي، دوی دجنسي لړزې پرمهال دښځې د دماغ فعالیت څارلی دی.
په نیوجرسي کې د Rutgers پوهنتون څیړونکي وايي دسکس پرمهال دښځو ددماغ مختلفې برخې رابیداریږي ، دوی وايي دښځو په دماغ کې نږدې ۳۰ داسې سیمې شته،چې دکوروالي پرمهال رابیداریږي په دې کې هغه سیمې برخې ژر رابیداریږي، چې دعاطفې. مینې،لمس، یادونو ، شعور ، خوشالۍ او خوښۍ دبرخې مسوولیت لري.
دسکس له لړزې دوه دقیقې وړاندې د دماغ هغه برخې هم رابیداریږي، چې دجایزې له برخې سره تړاو لري( دخوړو او څښلو پرمهال هم رابیداریږي) له لړزې لږه موده وړاندې د دماغ نورې برخې لکه قفل هم رابیداریږي، دا سیمه د جسد/ بدن دلمس مسوولیت لري، تر ټولو وروسته ،چې رابیداریږي هغه د هیپوتالاموسسیمه ده ، دا سیمه د ګرموالي، لوږې، تندې او ستړیا اړوند هغه ده.
څیړونکي وايي : جنسي راپاریدنه د ښځې عصبي سیستم بې هوښه کوي، د درد هیڅ احساس نه کوي، په Rutgers پوهنتون کې څیړونکي هڅه کوي، چې دسړی د دماغ نخچه هم ولولي، چې دسکس/ کوروالي پرمهال دسړی دماغ ته څه پېښیږي، خو پخوانیو څیړنو ښودلې ده، چې دسکس پرمهال دسړی او ښځې داحساس توپیر لري.
