دښمن روزلي د دښمن سره خبری کوي
مړي ورغلي د کفن سره خبری کوي
راز د افغان تفاهم ليک شو پنجابي جلاد ته
اوس تابوتونه د مدفن سره خبری کوي
پلورونکي تللي د بادار کره افغان خرڅلاو ته
د خريدار مو د وطن سره خبری کوي
وي معجزه به که له دې خطر سالم وُوَتو
احمق مزدور د سخت ټګمن سره خبری کوي
پنجاب له هره بله وخته ښه موقع جوړه کړه
د وطني حُب د نيستمن سره خبری کوي
د ملکدارۍ، د سياست، ډيپلوماسۍ په چارو
په صِفر پوهه د شکمن سره خبری کوي
خدايه اعطاء کړې د بقاء استعداد بيا افغان ته
بنده تسليم ته د څښتن سره خبری کوي
-----------------------------
------------------------
خانزاده
