چې ورستی عقل لومړی وې ډير به ښه وي
تل ځواني وي پسرلی وي ډير به ښه وي
هيڅ د عشق له دنيا ګۍ نه خبر نه وي
يا مجنون اؤ ليونی وي ډير به ښه وي
د پامير په سر مې کور وی په اسمانې کی
ګل اميل وې يا ټيکرې وي ډير به ښه وي
ستا د زلفو په ځنګل کی اوسيدلی
يو ګور به وي يا شپونکی وي ډير به ښه وي
له کار ګارنو ټپسانو نه واي لرې
د خيبر د سر اغزی وي ډير به ښه وي
دکتاب دتورو ټکو اشناه وي
کوڼ وي ړوند وي اؤ ګونګی وی ډير به ښه وي
چې د ژوند په کږ ليچونو کې بلد شوم
خدمتګاره چې کوچنی وی ډير به ښه وي
