د جرمني غږ راډيو خبر ورکوي ،چې په يو شمېر سيمو کې اوس بزګران د کوکنارو پر ځای د ګلابو ګلان کري . د کوکنارو پر ځای د ګلابو د کرنې وړانديز د لومړي ځل لپاره په 2004 کال کې د جرمني له خوا شوی و. په لومړي سره کې د ډېرو بزګرانو لپاره دا وړانديز ډېر عجيب ښکارېده ، خو اوس د ګلابو ګلان شاوخوا 500 کورنيو ته روزي ورکوي. د ګلابو 3 ملي ليتره غوړي په بازرا کې 20 ډالره بيه لري. په دې توګه ددغه بوټي له کرنې سره دښايست تر څنګ اقتصادي ګټه هم مل ده .
