نن سهار له دوو بجو رديخوا دغه غرنۍ سيمه له اوو ځلو زياته دزلزلې ټکانو ولړزوله افغان دولتي چارواکي دزلزلې له مهاله دولس ساعته وروسته سيمې ته حاضر شول ، څلور کلي دزلزلې له کبله سخت زيانمن شوي دي .
دننګرهار دولايتي شورا دمشر فضل الهادي مسلميار دمعلوماتو له مخې 19 شهیدان 34 ټپيان او 500 کورونه ويجاړ شوي او له 600 زيات څاروي له منځه تللې دي . دسيمې خلک دمګړۍ کمبلو ، بړستنو او خوراکي موادو ته اړتيا لري . اکثره اوسيدونکې دزلزلې له ډاره خپلو کورونو ته نه شي تللای .
دپېښې ځای ته دسرې مياشتې او اسراء او دننګرهار PRT هم دمرستې لپاره ورغلي و . دننګرهار دولايتي شورا مشر وویل : چې سبا ته به ټولو زيانمن شوو خلکو سره وړ مرستې وکړو ديادونې وړ ه ، چې دبیړنیو مرستو دادارې مشر ادارک هم جلال اباد ته رسيدلې دی . مازدیګر مهال دسيمې سپین ږیرو اعلان کړه ،چې دمېرمنو او تورسرو دشپې لپاره یو جلا ځای برابر کړي .
له بلې خوا دسيمې ځايي اوسيدونکو دروهي ويبپاڼې همکار ته وويل : چې دا زلزله نه بلکې دچاودنو پايله ده ، چې دغرونو په منځ کې رامنځته شو ېده ديادونې وړ ده ،چې دغه سيمه دکدیخیلو غرونو ته څيرمه په 3 کېلومترې کې پرته ده .
