ښاغلى ولسمشره!
بســــــــــــــمل
ښكلى بلبل دسردروپه هرگلشن ولاړې؟؟
لكه رنځورطوطي ناهيلى له چمن ولاړې
ترواشنگټن ولاړي*** اﷲ دې جوړكړه
موږ وېل چي زړه به دولس كړې ټكور
هم به وطن كړې سمسور
دقاتلانو په ټولي كې فريبجن ولاړې
ترواشنگټن ولاړې***اﷲ دې جوړكړه
په مصلحت مصلحت داسي شوې خوار
نوردچا نه يې په كار
خپل دپردي كړل دپرديوپه سخن ولاړې
ترواشنگټن ولاړې***اﷲ دې جوړكړه
ته په طوطيانو كې رنگين ښكارېدې
خلگوته شين ښكارېدې
خوله تورمخوسره مل شوې كرغيړن ولاړې
ترواشنگټن ولاړې***اﷲ دې جوړكړه
دوست به دي وژړوي دا دى متل
دوښمن دفريب كړي خندل
ددوست له غيږې په هوا شوې تردوښمن ولاړې
ترواشنگتن ولاړې***اﷲ دې جوړكړه
دلته افغان مري دلته ښكلي زلميان
دنړيوالوبچيان
خوږمن بسمل دوعا كوي كه ليږ خوږمن ولاړې
ترواشنگټن ولاړې***اﷲ دې جوړكړه
لكه رنځور طوطي ناهيلى له چمن ولاړې
ترواشنگټن ولاړې***اﷲ دې جوړكړه
ښاغلى ولسمشره!
هيله ده چي راڅخه خفه نه شې په تا،افغان ولس اودنړيوالې ټولنې په بيگناه بچيانومې ډير سخت زړه خوږيږي هريو
داسې شيرينو مېندوراوړى لكه زمااوستاخوږومېندو.
باوروكړئ چي په هيڅ كوم سياسي گوند پورې تړاونه لرم هرڅه مې چي په شعركې تاسوته وليكل له ډېره درده څخه وودادرد تنهازه نه بلكې په ټولـه نـړۍ كي له ډېرونورووروڼو،پلرونو،خويندواو مېندو سره هم شته خوله بده مرغه ځينې له بې هيمتي ،وېرې اويوشمېرنوربيادځينوامتيازاتوله وجهي حال نه وايي خوله نېكه مرغه ډيرغيرتي كسان هم شته چي سپينې سپينې ترخې ترخې خوله ثمره ډكې ليكنې كوي كوريې ودان دغليمانويې سترگې ړندې .
دوست به دې وژړوي اودښمن به دې وخندوي دې متل ته ليږنورهم څيرشه داكابوشپږكاله كيږي چه له نړيوالې ټولنې سره يوځاى ستاسوټولې هڅې دلوړپه ځاى په ځوړرواني دي چي يوازينى علت يې ستادلستوڼي ماران دي ولس خوله تاڅخه داهيله لرله چي جنگي جنايتكاران به په سزاورسوې خودسزاپه ځاى تاسوهغوى ته دگيدړې قباله هم پسې
وركړه اودومره موقوى كړل چي پخــپله ورڅخه شورنه شې خوړلـى هم ستا په درۍ گونوارگانونوكي سريښ دي اوهم ستا په ضد جبهه جوړوي هم غازيان هم شهيدان اوهم روغ كورته ځانونه رسوي!؟
ددوى له لاسه ملي وحدت،دخاورې تماميت اودنړيوالې ټولنې حيثيت په خطر كې لوېدلى بوش ته په ډانگ پېيلې ووايه چي په نړۍ كي يو بام اودوه هواوې مه جوړه وه په عراق او يوگوسلاويا كې كوم چلن كوې اوپه افغانستان كې كوم؟
كه هغه غوږ نه درته نيودادموكراتان درپيدا كړه ترڅودامريكا په سياست كې دافغانستان په اړوند۱۸۰درجې بدلـــــــون راولي .
