زما دزړه پر دغه شاړه بې خاونده زمکه
دهیرې مینې کنډوالې ولاړې
په دغو ورځو کې یې بیا جوړوم
بیا به ودان کړم تر اسمانه اوچت
بل تاج محل د نوي عشق لپاره
دې تاج محل ته یوه نوې ملکه غواړمه
زه مجنون نه یم چې دتللې بې وفا لیلا لپاره ومرم
زه نازولی شهزاده د مینې
دښایستونو او پریانو په ټاپو کې ګرځم
هرچا چې درې غمي د حسن دالماسو راوړل
چاچې د عشق لپاره راکړل خپل تاوده لاسونه
چا چې په خوب کې زما ټوله شاعري ولیده
څوک چې له ما سره زما دشاعرۍ په یاغي تخت کیناسته
ها ملکه به وي د نوي تاج محل واکمنه
دټولو ښکلو زړه ته لاره کوم
د ټولو خیال ته دروازه ټکوم
راشیء ! او نوی تاج محل وګټیء !
۹سلواغه ۱۳۸۷
