دسيپتمبر 21 د ملګرو ملتونو له خوا په ټوله نړۍ كې د سولې د نړيوالې ورځې په نوم نومول شوې، څو د نړۍ ټول وګړي په يو غږ د سولې په نوم شخړو او دښمنيو ته د پاى ټكى كېږدي. ويښ ځوانانو په همدې موخه د سولې په نړيواله ورځ د يو ستر سوله ييز لاريون تابيا وکړه، چې په افغانستان كې د سولې راوستو په هيله، دوې سترې او پر ځاى غوښتنې كوي:
١- افغان وژنې ته دې د پاى ټكى كېښودل شي.
٢ - 2010 كال دې د باچا خان په نوم ونومول شي .
د يادو شويو غوښتنو د عملي كولو لپاره په جرمني کې ميشتوافغانانو د کولن په ښارکې درېل مرکزي سټېشن ته نږدې دنامتو ((دوم )) کليسا ته څېرمه يو سوله ييز لاريون ترسره کړ .
دغه ﻻريون ، چې تيرمازيګرله دوو بجو څخه ترپنځوبجو پورې يې دوام درلود دبرخه والو له خوا دشعارونو په ورکولواو دتبليغاتي پاڼو په ويشلو سره بدرګه شو .
ددې ﻻريون عمده شعارونه په دې ډول وو :
_ په افغانستان کې دې بمباري ودرول شي !
_ په افغانستان کې دملکي خلکو وژل بندشي !
_ موږ په افغانستان کې جګړه نه غواړو!
