المحیط :
دباراک اوباما اوجون مکین د ټاکنیز کمپاین دډلې مسوولين دراتلونکی ولسمشر دمرستیال نوم پټوي ، خو دغه پريکړه ټاکنيز کمپاین تر خپل سیوری لاندې راوستی شي اوس ددې وخت رانږدې شوې ،چې دواړه ګوندونه په رسمي توګه خپل مرستیالان ونوموي .
له لندن څخه خپریدونکې ( الحياة ) ورځپاڼې دجمهوري غوښتونکي کاندید جون مکين د سلاکار له خولې کاږي : د ولسمشر دمرستیال دټاکنې وخت رانږدې شوې ډېر احتمال دی ،چې په پکین داولمپيک دلوبو له پيل څخه وړاندې ، چې د روانې میاشتې پر 8 مه نېټه ترسره کېږي دمرستیال نوم اعلان شي .
باراک اوباما وايي : په راتلونکي کې ،چې د مرستیال ولسمشر دمنصب په اړه خبرې کوم هماغه مهال به يې نوم هم یادکړم .
خبري رسنۍ ددواړوکاندیدانو دمرستیالانو نومونه داسې په ګوته کوي :
دباراک اوباما په لړلیک کې دغه نومونه شامل دي :
تیم کاین ( 50 ) له 2005 ز راديخوا دویرجینا ايالت والي دی .
ایوان بای ( 52 ) له 1988ز راديخوا داندیانا ايالت څخه دکانګرس غړی او د مېرمن هیلری کلنتن له ملاتړو څخه دی .
جوبیدن ( 65 ) په کانګرس کې دبهرنیو اړیکو دکمېسون مشر دی .
چشاک هاګل ( 61 ) دویتنام دجګړې اتل او دملي امنیت دچارو کارپوه دی . له اوباما سره دافغانستان اوعراق په سفر کې ملګری و .
هوکاثلین سیبیلیوس ( 60 ) له 2002 ز څخه رادیخوا دکنساس ایالت حاکمه او په امریکا دپراخه ملاتړ څخه برخمنه مېرمن ده .
داوباما پخوانۍ سياله هیلري کلنتن ( 60 ) نوموړۍ پخواهیله درلوده ،چې دامريکا لومړنۍ ښځينه ولسمشره شي ،خواوس یې تمه ده ، چې دامریکا دراتلونکي ولسمشر مرستیاله وي مېرمن هیلري دامريکا دښځواو نورو ولسي کړيو په منځ کې له پراخه ملاتړ او ګرانښت څخه برخمنه مېرمن ده .
دجون مکین په لړ لیک کې دغه کسان شامل دي :
میت رومني ( 61 ) سوداګر دی او زښته زياته پانګه لري ده هم غوښتل ،چې دجمهوري غوښتونکو لخوا کاندید شي خو بخت ورسره ياري ونه کړه .
روب بورتمن ( 52 ) داقتصادي چارو کارپوه دی د اوهايو ايالت استازی دی ، په سپينه ماڼۍ کې دتوازن دڅانګې مسوول دی .
تیم بولنتي ( 47 ) دمنیسوتا ایالت حاکم دی .
چارلی کریست ( 52 ) دفلوريډا ایالت حاکم ، پخوا په فلوريدا کې دعدلیې وزیر تېر شوې .
مارک سانورډ ( 48 ) دجنوبي کالیفورنیا حاکم دی ، مکین ته نږدې کس دی ،
دا وه ددواړو کاندیدانو د اټکلي مرستیالانو نومونه وخت به وښيي ، چې بخت له چا سره ځواني کوي
