اسوشېيټېډ پرېس رسنۍ د يو شمېر امريکايي چارواکو د مالوماتو پر بنسټ لېکلي دي چې له افغانستانه د امريکايي پوځيانو د وتلو نېټې وروسته به، واشنګټن ۶۵۰ پوځيان کابل کې د خپل سفارت او امريکايي ډېپلماټانو د ساتنې په پار پرېږدي.
دغه رسنۍ ته امريکايي چارواکو ويلي دي چې د سپټمبر له يوولسمې نېټې وروسته امريکا له افغانستان سره خپلې سياسي او ډېپلماټيکې اړيکې غښتلې او پراخه ساتي او د پوځيانو وتل په دې مانا نه دي چې د کابل او واشنګټن اړيکې سره غوڅې شي.
د ناټو او ترکيې ترمنځ د شوې هوکړې پر بنسټ به د حامدکرزي د نړيوال هوايي ډګر د مسووليت چارې م ترکيې ځواکونو ته وسپارل شي او تر هغې چې ترکيې ځواکونو د حامدکرزي د نړيوال هوايي دګر مسووليت نه وي اخېستي، امريکايي ځواکونو به يې ساتنه کوي.
د سپټمبر مياشتې له يوولسمې نيټې وروسته د افغانستان او امريکا د اړيکو د تازه څپرکي د پيل په اړه تېره اوونۍ ولسمشر محمد اشرف غني او د مصالحې عالي شورا ډاکټر عبدالله عبدالله په واشنګټن کې له ولسمشر جوبايډن او نورو امريکایي لوړپوړو چارواکو سره کتلي.
د افغان چارواکو د مالوماتو پر بنسټ دغه لېدنه اغېز لرونکې وه؛ د امريکايي ځواکونو له وتلو وروسته به امريکا او نړيواله ټولنه د افغانستان په اړه پام لرونکي او مرسته کوونکي وي.
