تر کوم ځایه چې مې وخت درلود نو د طالبانو او حکومت ترمنځ خپل منځي مذاکرات مې واوریدل، مهم نقاط یې تاسو سره شریکوم….
ډاکټر عبدالله عبدالله ؛ نرمې خبرې وکړې د نورو خبرو ترڅنګ یې دا هم وویل: چې داخلي جنګونو هیڅ ګټونکی نه درلود.
ملابرادر ؛ د اسلامې سیسټم په جوړولو ټینګار درلود او هم یې دواړه لوري وهڅول چې په افغانستان کې د سولې لپاره نيتونه خالص او د ملت سره د همدردۍ په موخه په کامل اخلاص کار وکړي.
پمپیو: دافغانستان خلک اختیار لري چې خپل هیواد لپاره خپله تصمیم ونیسې چې کوم ډول سیسټم غواړي، مونږ یې پر چا نه شو تحمیلولی.
ترکمنستان: د سولې پروسې سره همکارۍ ترڅنګ په اقتصادي برنامو ټینګار درلود.
چین: دا راونډ باید سیاسي وي، او دا رونډ د افغانستان خلکو په لاس وي، او هیڅ هیواد په دغه پروسه کې خپلې خوښې تحمیل نه کړې.
انډونیزیا : د افغانستان خلک باید د سولې پروسې په زړه کې واوسي، ټول باید په دغه پروسه کې دخیل وي په ځانکړې توګه ښځې.
ازبکستان: د سولې پروسه باید د افغانانو په رهبري کې اوسې، ازبکستان حاضر دی چې د دغې پروسې یوه برخه په سمرقند ښار کې کوربه کړي.
ترکیه: د سولې واقعې فرصت منځته راغلی. مونږ یو اباد او دیموکراتیک افغانستان غواړو. جګړه او مذاکرات یوځای مخته نه ځي. همدا اوس افغانستان له بل هر وخت ډير د نړیوالې ټولنې ملاتړ ته اړتیا لري.
جرمني: مونږ حاضر یو چې د دغو مذاکراتو د بریالیتوب لپاره له تاسو سره همکاري وکړو. یوازې افغانان کولی شي خپل راتلونکی وټاکې. باید حقوقي مسایل حفظ شي په ځانګړې توګه د ښځو او نورو اقلیتونو.
پاکستان: په هره لار کې له تاسو سره یو. پاکستان د پریکړه لیک زمینه مساعده کړه. اوس باید افغانستان له دغه تاریخې فرصته ګټه واخلي.
افغانان خپل راتلونکی وټاکي. تخریب کونکي به د دننه او بهر څخه ډیرې ننګونې (ستونزې) رامینځته کړي. پاکستان به یوازې د سولې لپاره همکار وي.
څلور وړاندیزونه:
۱: نړیواله ټولنه باید د افغانانو په مالکیت د سولې پروسې درناوی وکړي.
۲: نړیواله ټولنه باید د دې پروسې پایلو ته درناوی وکړي.
۳: د اقتصادي او پرمختیايي برنامو په ډیزاین او پلي کولو کې له افغانستان سره د همکارۍ کول.
۴: – په مناسب او پتمنه توګه د افغان کډوالو راستنېدو ډاډ.
