طالبانو لغمان ولايت کې شل نور بنديان هم خوشي کړل 



روهي (جمعه/۲۹د د وري)، طالبانو نن ورځ د لغمان ولايت مرکز مهترلام سره نېږدې سيمه کې د بنديانو يوه شل کسيزه ډله چې د دوی په وينا د افغان حکومت عسکر دي. 

طالب وياند ذبيح الله مجاهد په دې اړه  پر خپل ټوېټر ليکلي دي، "نن يوځل بیا هم د اسلامي امارت له خوا د کابل ادارې ۲۰ تنه نور بندي عسکر او پولیس د لغمان مرکز مهترلام اړوند د سلطان غازي بابا له دروازی سره خلاص شول او هریوه تن ته جامې او ۵۰۰۰ افغانۍ د لارې کرایه ورکړل شوه."

د لغمان والي محمد اصف ننګ هم د دغه کسانو د خوشي کېدو پخلی کړی او ويلي  دي چې په دې اړه يې پلټنې پيل کړې دي چې خوشي شوي کسان د کومو ادارو اړوند دي او دا به مالومه چې خوشي شوي کسانو د حکومت اړوند دي او که ولسي وګړي دي. 

له دې وړاندې طالبانو د لومړي  ځل لپاره شل کسان کندهار کې خوشي کړل خو د کندهار امنيه قومندان جنرال تادين خان ويلي وو، چې خوشي بنديان حکومت نه بلکې ولسي وګړي دي. 


تاسو دغه لیکنه شریکولی شئ!

د لیکوال نورې لیکنې
news
مالوماتي ويډيوګانې

lower third - د ویډیو پر سر د سرلیک ځای پر ځای کول

Loading...

تبصرې

تبصرې نشته

خپله تبصره مو ولیکئ