روهي (درې نۍ/۲۰ د کب)، قطر کې د امريکا او طالبانو ترمنځ د سولې شوې هوکړې؛ د افغان حکومت، امريکا او ناټو د ګډې اعلاميې پر اساس له افغانستانه د امريکايي ځواکونو د وتلو بهير پيل شوی.
افغانستان کې د امريکايي ځواکونو وياند سني لګېټ ويلي دي چې په ۱۳۵ ورځو کې به افغانستان کې د امريکايي ځواکونو شمېر اته زره شپږ سوه پوځيانو ته ورسيږي.
نوموړي په يوې اعلاميې کې ويلي دي چې د افغان حکومت، ناټو او امريکا متحدو ايالتو ترمنځ د ګډې اعلاميې پر اساس يو شمېر امريکايي پوځيان له افغانستانه خو امريکا به افغانستان کې د داعش ډلې خراسان څانګې او القاعده پر وړاندې خپلې مبارزې ته ادامه ورکوي.
د پوځي مسايلو يو شمېر افغان شنونکي وايي چې له هېواده د امريکايي ځواکونو وتل پر امنيتي وضعيت هېڅ منفي اغېز نه لري، ځکه چې د امريکايانو په شتون کې هم طالبانو او امريکا داسې هوکړه سره کړې ده چې پر يو او بل بريدونه نه تر سره کوي.
