جريده الغد لاس انجلس ورځپاڼې پر خپل انټرنېټي وېب پاڼه کې پرون کښلي ، چې د امريکا مرکزي استخباراتو ( سي ای اې ) لوېديځ ته د پناه لپاره د هغو ايرانيانو د هڅولو داسې يو پټ پروګرام پيل کړی ، چې د ايران په اتومي پروګرام کې دنده لري . ورځپاڼه کاږي ، چې د استخباراتو پخواني او اوسني مسوولين له دغه پروګرام څخه خبر دي . دغه پروګرام ، چې د ( مغزونو تصفيه ) نوم ورکړل شوی د سپينې ماڼۍ په امر او خوښه په 2005 ز پيل شوی څو دايران اتومي پروګرام له دغې لارې شنډ کړي . ورځپاڼه ليکي : (دغه پروګرام دومره په زړه پورې پايلې نه درلودې ، يوازې شپږ تنه ايرانيان تښتېدلي خو له دوی څخه يو هم نه دې توانېدلي ، چې د ايران د اتومي پروګرام په اړه نوي معلومات ورکړي . ورځپاڼې د تښتېدلو کسانو هويت نه دی څرګند کړی ، خو هتله داسې ګونګسې شته ، چې د دفاع د پخواني وزير مرستيال علی رضا اصغري په تېښته کې ، چې په تېره فبرورۍ کې په ترکيه کې لادرکه شو د سي ای اې لاس و . ورځپانه د سي ای اې د يو پخواني مامور له خولې کاږي ، چې سي ای اې په مستقيمه توګه له هغو کسانوسره نه دي ليدلې ، چې دتېښتې نيت لري ، بلکې ددې لپاره يې په ايران کې نور کسان ګومارلي دي . د سي ای اې د هغو معلوماتو له مخې ، چې د القاعده د پروګرام په ترڅ کې راټول شوي او د استخباراتو د راپور ټوله تکيه هم پردې ده وايي ، چې ايران په 2003 ز کې خپل اتومي پروګرام درولی و .
