روهي(نۍ/۱۲ د سلواغې)، ۲۳ کلنې جنیفر له ۲۸ کلن نائل سره د کوژدې اعلان پر خپل انسټاګرام پاڼه خپور کړی. مصري اس ځغلوونکي نائل نصار د امریکايي میلیاردر بېل ګېټس لور ته له اوږدې مینې وروسته د واده وړاندیز کړی او هغې هم منلی دی.
ځوان نائل نصار د یوې مسلمانې مصرۍ کورنۍ غړی دی چې په کویت کې اوسېدلې ده، بیا امریکا ته کډواله شوې او اوس په شیکاګو ښار کې اوسېږي. که څه هم نائل په ۱۹۹۱ کال د امریکا شیکاګو ایالت کې زیږېدلی، خو په کویت کې لوی شوی، ځکه چې مور او پلار یې غوښتل په تېره ۹۰مه لسیزه کې یوه خلیجي هېواد کې و اوسي. د جنیفر کاترین د شتمنۍ د کچې په اړه ویل شوي چې له خپل پلار یې ۱۰ میلیون ډالر ترلاسه کړي.
په ۲۰۱۷ کال، د مایکروسافټ شرکت بنسټګر بېل ګېټس پرېکړه وکړه چې د خپلې شتمنۍ یوه لویه برخه به خیریه کارونو ته ځانګړې کړي.هغه وخت نوموړي دا وصیت هم کړی و چې د شتمنۍ یوه لویه برخه خپل اولاد ته ورکوي چې دوی پخپله خپله لار وټاکي.بېل ګېټس په نړۍ کې دویم لوی شتمن سړی بلل شوی.
د ۲۰۱۷ کال فبرورۍ میاشت کې د دواړو مینه د ګڼو ورځپاڼو د سر ټکي شول، دواړو د ګډ نړیوال سفر په تېره بیا د مصر اهرامونو ته د سفر پرمهال پر خواله رسنیو بېلابېل انځورونه خپرول.
