عشق او واده!

زوی له پلار نه پوښتنه وکړه:
د عشق او واده ترمنځ توپیر څه دی؟!
پلار یې هېڅ ونه ویل لکه د زوی خبره یې چې هېڅ اورېدلې نه وي، بله ورځ یې پلار له یو کتاب سره کور ته دننه شو، زوی ته یې کتاب ونیو، ورته یې وویل:

• واخله زویه دا ستا لپاره دی!

زوي یې کتاب ترې واخیست مننه يې ترې وکړه، ورته یې وویل:

• مننه پلاره ښکلی کتاب دی، دا به چیرته سم ځای کېږدم چې فرصت مې پیدا کولو لولم به یې.

بله ورځ یې له پلار سره ورځ پاڼه وه، زوی یې غوښتنه ترې وکړه چې ورځپاڼه ورکړي، خو پلار یې ورته وویل:

• زویه ورځپاڼه د بل چا ده، یوازې د څو دقیقو لپاره یې درکولی شم؟!

ورځپاڼه یې ترې واخیسته، په ډېره مینه او شوق یې په لوستلو پیل وکړ، پلار یې سر ښکته کړ په موسکا یې وویل:
زویه عشق یعنې په یو ځل ټوله مینه او محبت هغه چا ته ورکول چې هغه ستا نه وي او واده هغه ارزښت لرونکی  خپل کتاب دې دی چې تا پدې پلمه چې فرصت پیدا کړې بیا به یې ولولې، یوې ګوښې ته اېښی دی.