په خدای (ج) د ايمان ارزښت
د حساب ورځ نږدې ده (دريمه برخه)
ليکوال: عبدالمجيد عزيز الزنداني
ژباړه: امين خاطر
په تېر پسې ...
(３) خپل استوګنځي لکه د جامو په څېر سينګاروي:
په تېرو وختونو کې چا دا باور نه کاوه چې خلک به د خپل استوګنځي دېوالونه داسې سينګاروي لکه نن سبا يې چې پرې لګيا دي او که چا دا کوښښ هم کاوه نو بې له شکه به يې ليونی باله، ولې نن ټول ددې شاهدان يو چې خلک خپل استوګنځي څه ډول د خپلو جامو په څېر سينګاروي او دا هماغه موضوع ده چې حضرت محمد (ص) پېړۍ وړاندې ورته اشاره کړې وه: (لا تقوم الساعة حتى يبني الناس بيوت ً ا يوشونها وشي المراحيل) يعني: تر هغې به قيامت رانشي تر څو چې خلک داسې کورونه جوړ کړي چې هغه لکه د ټوکر انځورونو په څېر سينګار نکړي.
(４) يو له بل سره د ځمکو د مختلفو برخو نږدېوالی
چا هم دا فکر نشوای کولای چې د ځمکې برخې به له يو بل سره دومره نږدې شي چې په يوه ليد به يې ټولې برخې وويني، رسول الله (ص) فرمايلي دي: (زُويت لي الأرض فأُريت مشارقها ومغاربها وسيبلغ ملك أمتي مقدار ما تزوى لي منها) يعني: ځمکه مې نظر ته دومره کوچنۍ راغله چې د نوموړې ختيځ او لويديځ مې وليد او په راتلونکې کې به مې چې څومره ليدلې زما د امت ملکيت شي. او يا دا چې فرمايلي يې دي: ځمکه به په وروستۍ زمانه کې ډېره محدوده او کوچنۍ شي چې تر څنګ به يې وخت هم ډير کم شي او په ډير کم وخت کې به پکې ختيځ او لويديځ وليدل شي، او دا د ځمکې هماغه لنډوالی دی چې نن سبا فضايي عملې په څو ساعتونو کې کولای شي چې د ځمکې ختيځ او لويديځ، شپه او ورځ وويني او خلک هم کولای شي د جوړو شويو فلمونو په وسيله دا ډول حالتونه وويني. او دا د زمانې لنډوالی دی چې ډېره اوږده فاصله په ډېر کم وخت کې وهل کېږي او مونږ کولای شو د مختلفو وسيلو لکه راډيو او نورو په وسيله هغه غږونه چې راوځي په هماغه لحظه کې په ډيرې آرامۍ سره واورو او په زرهاوو کيلومتره متره لرې د ځمکې په لرې برخه کې د يو چا ټول خوځښت د ځينو موجونو او انځورونو په وسيله، په ژوندۍ بڼه وګورو. او حضرت محمد (ص) دا هر څه پنځلس پېړۍ وړاندې د آخري زمانې د رانږدې والي د نښانو په ډول مونږ ته خبر راکړی دی.
